ഗാന്ധിജയന്തിയോടനുബന്ധിച്ച് തിരുമാണിയൂർ അംഗൻവാടി -ബസ്റ്റോപ്പ് പരിസരം ശുചീകരിച്ചു

വട്ടംകുളം: ഗാന്ധിജയന്തിയുടെ അനുബന്ധിച്ച് രാജ്യത്ത് ഒന്നാകെ നടക്കുന്ന ശുചീകരണ പ്രവർത്തനങ്ങളുടെ ഭാഗമായി വട്ടംകുളം ഗ്രാമപഞ്ചായത്തിലെ തിരുമാണിയൂർ അംഗൻവാടി, ബസ്റ്റോപ്പ്, തല്ലുപ്പറമ്പ് റോഡ് പരിസരം ശുചീകരിച്ചു. തൊഴിലുറപ്പ് തൊഴിലാളികളുടെ നേതൃത്വത്തിലാണ് ശുചീകരണം നടന്നത്. ശുചീകരണ പരിപാടിയുടെ ഉദ്ഘാടനം വാർഡ് മെമ്പർ ഷീജ നിർവഹിച്ചു. ആശാപ്രവർത്തക ശർമിള സ്വാഗതം പറഞ്ഞു. കെ വി കുമാരൻ അധ്യക്ഷനായിരുന്നു. ബാലസംഘം കുട്ടികളുടെ നേതൃത്വത്തിലും പ്രദേശത്തെ പരിസരം വൃത്തിയാക്കൽ നടന്നു