Categories: KERALASPORTS

കേരളാ ബ്ലാസ്റ്റേഴ്സ് കൊച്ചി വിടുന്നു; ഹോം മത്സരങ്ങൾ കോഴിക്കോട് വച്ച് നടത്തും: സിഇഒ

വരുന്ന ഐഎസ്എൽ സീസണിൽ കേരള ബ്ലാസ്റ്റേഴ്സിൻ്റെ ഹോം മത്സരങ്ങൾ കോഴിക്കോട് വച്ച് നടത്തുമെന്ന് ക്ലബ് സിഇഒ അഭീക് ചാറ്റർജി. ചില ഹോം മത്സരങ്ങൾ കോഴിക്കോട് വച്ച് നടത്താനുള്ള ആലോചനയുണ്ടെന്നാണ് അഭീക് ചാറ്റർജി അറിയിച്ചത്. ആരാധകരുടെ സൗകര്യം പരിഗണിച്ചാണ് ഈ തീരുമാനമെന്നും അദ്ദേഹം വാർത്താസമ്മേളനത്തിൽ അറിയിച്ചുഹോം മത്സരങ്ങളിൽ ചിലത് കോഴിക്കോടേക്ക് മാറ്റാനുള്ള ആലോചനയുണ്ടെങ്കിലും ഇതിന് പ്രായോഗിക തടസങ്ങൾ ഏറെയാണെന്ന് അഭീക് ചാറ്റർജി പറഞ്ഞു. ഐഎസ്എൽ അധികൃതരുടെ അനുമതിയുൾപ്പെടെ ആവശ്യമുണ്ട്. കേരളത്തിലെ തന്നെ മറ്റിടങ്ങളിൽ മത്സരങ്ങൾ നടത്തുന്നതിനോട് ഐഎസ്എൽ അധികൃതർക്കും അനുകൂല നിലപാടാണ്. മുഴുവൻ ഹോം മത്സരങ്ങളും കൊച്ചിയിൽ നിന്ന് മാറ്റുകയല്ല. ഈ സീസണിൽ നോർത്ത് ഈസ്റ്റ് കളിച്ചത് പോലെ കുറച്ച് മത്സരങ്ങൾ മറ്റ് വേദികളിൽ കളിക്കുന്നു എന്ന് മാത്രം. ബ്ലാസ്റ്റേഴ്സിൻ്റെ മത്സരങ്ങൾ മറ്റ് വേദികളിൽ വച്ച് നടത്തുന്ന കാര്യം തങ്ങൾ ആലോചിച്ചിരുന്നു. ബ്ലാസ്റ്റേഴ്സിൻ്റെ വലിയൊരു വിഭാഗം ആരാധകർ മറ്റിടങ്ങളിലുണ്ട്. കുറച്ച് മത്സരങ്ങൾ ഇവിടേക്ക് മാറ്റുന്നത് ഈ ആരാധകർക്ക് സൗകര്യമാവും. ഈ ലക്ഷ്യം കൈവരിക്കണമെങ്കിൽ വലിയ വെല്ലുവിളികളാണുള്ളത്. മത്സരം നടക്കുന്ന വേദികളിൽ ഐഎസ്എൽ അധികൃതർ ആവശ്യപ്പെടുന്ന തരത്തിലുള്ള സൗകര്യങ്ങൾ ഉണ്ടാവേണ്ടതാണ്. ഇതൊക്കെ ഉണ്ടെങ്കിലേ മറ്റ് വേദികളിൽ മത്സരങ്ങൾ നടത്താൻ കഴിയും. വരുന്ന സീസണിൽ കോഴിക്കോട് ഉൾപ്പെടെയുള്ള സ്ഥലങ്ങളിൽ കുറച്ച് മത്സരങ്ങൾ നടത്തുന്ന കാര്യം പരിഗണനയിലുണ്ടെന്നും അഭീക് ചാറ്റർജി വ്യക്തമാക്കി. പുതുതായി ബ്ലാസ്റ്റേഴ്സ് പരിശീലക സ്ഥാനമേറ്റെടുത്ത ദവീദ് കറ്റാലയെ അവതരിപ്പിക്കുന്ന ചടങ്ങിൽ വച്ചായിരുന്നു അഭീക് ചാറ്റർജിയുടെ വെളിപ്പെടുത്തൽ. സൂപ്പർ കപ്പിനൊരുങ്ങുന്ന കേരള ബ്ലാസ്റ്റേഴ്സിൻ്റെ പരിശീലനച്ചുമതല കറ്റാല ഏറ്റെടുത്തു. അദ്ദേഹം നെഹ്റു സ്റ്റേഡിയം സന്ദർശിക്കുകയും ചെയ്തു.

കഴിഞ്ഞ സീസണിൽ ബ്ലാസ്റ്റേഴ്സ് എട്ടാം സ്ഥാനത്താണ് ഫിനിഷ് ചെയ്തത്. ഇവാൻ വുകുമാനോവിചിന് പകരം ക്ലബിൻ്റെ പരിശീലകനാക്കിയ മൈക്കൽ സ്റ്റാറെയെ മോശം പ്രകടനങ്ങൾക്കൊടുവിൽ സീസൺ പാതിയിൽ വച്ച് പുറത്താക്കി. പിന്നീട് സഹപരിശീലകരാണ് ക്ലബിനെ പരിശീലിപ്പിച്ചത്. സീസൺ അവസാനിച്ചതിന് പിന്നാലെ ക്ലബ് സ്പാനിഷ് പരിശീലകൻ ദവീദ് കറ്റാലയെ പരിശീലകനായി അവതരിപ്പിച്ചു.

Recent Posts

നിപ ലക്ഷണങ്ങളോടെ കുറ്റിപ്പുറം സ്വദേശി കോഴിക്കോട് മെഡിക്കൽ കോളജിൽ ചികിത്സയിൽ

നാളെ ഉച്ചയോടെ സ്രവ പരിശോധനാഫലം പുറത്തുവന്ന ശേഷം മാത്രമേ രോ​ഗം സ്ഥിരീകരിക്കുകയുള്ളൂ കോഴിക്കോട്: സംസ്ഥാനത്ത് വീണ്ടും നിപ സംശയം. മലപ്പുറം…

9 hours ago

എടപ്പാളിലെ കോര്‍ട്ടേഴ്സില്‍ യുവാവിനെ തൂങ്ങി മരിച്ച നിലയില്‍ കണ്ടെത്തി

എടപ്പാൾ: യുവാവിനെ തൂങ്ങി മരിച്ച നിലയില്‍ കണ്ടെത്തി. മാറഞ്ചേരി സ്വദേശി റഹീം മേച്ചേരി (45) ആണ് തൂങ്ങി മരിച്ച നിലയിൽ…

9 hours ago

ഗർഭം അലസിപ്പിച്ചു.. പണം തട്ടി.. ഐബി ഉദ്യോഗസ്ഥ ജീവനൊടുക്കിയ കേസില്‍ എടപ്പാൾ സ്വദേശി സുകാന്ത് സുരേഷിനെതിരെ ബലാത്സംഗ കുറ്റം ചുമത്തി…

ഒളിവിലുള്ള ഐബി ഉദ്യോഗസ്ഥനെ കണ്ടാത്താന്‍ കഴിയാതെ പൊലീസ്.. തിരുവനന്തപുരം: തിരുവനന്തപുരം വിമാനത്താവളത്തിലെ ഐബി ഉദ്യോഗസ്ഥ മേഘയുടെ മരണത്തിൽ സഹപ്രവര്‍ത്തകനും സുഹൃത്തുമായ…

11 hours ago

ഹൃദയാഘാതം; മലപ്പുറം എടപ്പാള്‍ സ്വദേശി അബഹയില്‍ നിര്യാതനായി വട്ടംകുളം ഏലിയപ്രകുന്ന് മരക്കാരകത്ത് കണ്ടരകാവില്‍ മുഹമ്മദ് കബീര്‍ ആണ് മരിച്ചത്.

ദമാം | ഹൃദയാഘാതം മൂലം മലപ്പുറം എടപ്പാള്‍ സ്വദേശി മലയാളി സഊദിയിലെ അബഹയില്‍ മരിച്ചു. കിഴക്കന്‍ പ്രവിശ്യയിലെ ജുബൈലില്‍ കോസ്റ്റര്‍…

11 hours ago

വഖഫ് നിയമ ഭേദഗതി അംഗീകരിക്കില്ല : പി.ഡി.പി.

ആലത്തിയൂർ: ഭരണഭൂരിപക്ഷം ഉപയോഗിച്ച് പാര്‍ലിമെന്റ് പാസാക്കിയെങ്കിലും ഭരണഘടനാ വിരുദ്ധവും മതസ്വാതന്ത്ര്യ ലംഘനവുമായ വഖഫ് ഭേദഗതി നിയമം അംഗീകരിക്കില്ലെന്ന് പി.ഡി.പി. സംസ്ഥാന…

11 hours ago

മുഖ്യമന്ത്രിയുടെ രാജി ആവശ്യപ്പെട്ട് പൊന്നാനിയിൽ കോൺഗ്രസ് പ്രകടനം നടത്തി..

പൊന്നാനി: മുഖ്യമന്ത്രിയുടെ മകളുടെ ഉടമസ്ഥതയിലുള്ള എക്‌സാലോജിക് കമ്പനിയും, കരിമണൽ കമ്പനിയായ സിഎംആർൽ ഉും കോടികളുടെ വെട്ടിപ്പ് നടത്തിയിട്ടുണ്ടെന്ന് എസ്എഫ്ഐഒ കുറ്റപത്രം…

11 hours ago