ചെന്നൈ: ഏപ്രിൽ രണ്ട്, മൂന്ന് തീയതികളിലായി ചെന്നൈയിൽ നടന്ന ഇന്ത്യൻ ജേർണലിസ്റ്റ് യൂണിയൻ (ഐ.ജെ.യു) ദേശീയ എക്സിക്യൂട്ടീവ് യോഗത്തിന് ഉജ്ജ്വല സമാപനം. ഡെറാഡൂണിന് പിന്നാലെ നടന്ന ഐ.ജെ.യു എക്സിക്യൂട്ടീവ് യോഗത്തിൽ 20 സംസ്ഥാനങ്ങളിൽ നിന്നുള്ള പ്രതിനിധികൾ പങ്കെടുത്തു. ഐ.ജെ.യു പ്രസിഡൻ്റ് ശ്രീനിവാസ റെഡ്ഡിയുടെ അധ്യക്ഷതയിൽ നടന്ന യോഗത്തിൽ സെക്രട്ടറി ജനറൽ ബൽവീന്ദർ സിങ്, മുൻ ദേശീയ പ്രസിഡൻ്റുമാരായ എസ്.എൻ സിൻഹ, ഹമർ ദേവുലപള്ളി എന്നിവരുൾപ്പെടെയുള്ള ദേശീയ നേതാക്കളും വിവിധ സംസ്ഥാനങ്ങളിൽ നിന്നുള്ള ഭാരവാഹികളും പ്രമുഖരും പങ്കെടുത്തു.
യോഗത്തിൽ കേരള ജേർണലിസ്റ്റ് യൂണിയൻ (കെ.ജെ.യു) പ്രവർത്തനങ്ങൾക്ക് ഐ.ജെ.യു എക്സിക്യൂട്ടീവ് യോഗത്തിൽ അഭിനന്ദന പ്രവാഹം ലഭിച്ചു. സംഘടനാ പ്രവർത്തന റിപ്പോർട്ട്, ഫിനാൻസ് റിപ്പോർട്ട്, സ്ക്രൈബ് ന്യൂസ് വരിക്കാരെ ചേർക്കൽ, സംസ്ഥാന കമ്മിറ്റി പുറത്തിറക്കിയ പുതിയ ഐ.ഡി കാർഡ്, വെഹിക്കൾ സ്റ്റിക്കർ, പ്രമേയം എന്നിവയ്ക്കാണ് യോഗത്തിൽ ദേശീയ നേതൃത്വത്തിന് അഭിനന്ദനം ലഭിച്ചത്. കെ.ജെ.യു പുതിയ ഐ.ഡി കാർഡ് വിതരണോദ്ഘാടനം ദേശീയ പ്രസിഡൻ്റ് ശ്രീനിവാസ റെഡ്ഡി, മുൻ പ്രസിഡൻ്റ് എസ്.എൻ സിൻഹ, സെക്രട്ടറി ജനറൽ ബൽവീന്ദർ സിങ് എന്നിവർ സംസ്ഥാന പ്രസിഡന്റ് ജോസി തുമ്പാനത്ത്, ജനറൽ സെക്രട്ടറി എ.പി ഷഫീഖ്, ട്രഷറർ സി.എം ഷബീറലി, ദേശീയ കൗൺസിൽ അംഗങ്ങളായ പി.കെ രതീഷ്, ശിവശങ്കരപ്പിള്ള എന്നിവർക്ക് നൽകി നിർവഹിച്ചു. കെ.ജെ.യു സംസ്ഥാന കമ്മിറ്റിയുടെ പുതിയ വെഹിക്കൾ സ്റ്റിക്കർ വിതരണോദ്ഘാടനം തെന്നിന്ത്യൻ നായിക ഗൗതമി നിർവഹിച്ചു. കെ.ജെ.യു പ്രവർത്തന റിപ്പോർട്ട് ജനറൽ സെക്രട്ടറി എ.പി ഷഫീഖ് യോഗത്തിൽ അവതരിപ്പിച്ചു. ചടങ്ങിൽ സ്ക്രൈബ് ന്യൂസ് വരിക്കാരെ ചേർത്ത തുക കെ.ജെ.യു സംസ്ഥാന നേതൃത്വം ദേശീയ നേതാക്കൾ കൈമാറി. ട്രഷറർ സി.എം ഷബീറലി തയ്യാറാക്കിയ ഫിനാൻസ് റിപ്പോർട്ട് ദേശീയ നേതൃത്വത്തിന് കൈമാറി. റിപ്പോർട്ടിന് പ്രത്യേകം അഭിനന്ദനം ലഭിച്ചു. പ്രത്യേക ക്ഷണിതാവ് സീതാ വിക്രമൻ അവതരിപ്പിച്ച പ്രമേയവും ശ്രദ്ധേയമായി. അടുത്ത ദേശീയ എക്സിക്യൂട്ടീവ് യോഗം രാജസ്ഥാനിലെ ജയ്പൂരിൽ നടക്കും.
നടി വിൻസി അലോഷ്യസിൻ്റെ വെളിപ്പെടുത്തലിൽ മൊഴിയെടുക്കാൻ അനുമതി തേടി എക്‌സൈസ്. എന്നാൽ സഹകരിക്കാൻ താത്പര്യമില്ലെന്നാണ് കുടുംബം അറിയിച്ചിരിക്കുന്നത്. മറ്റ് നിയമ…
യേശുക്രിസ്തുവിന്റെ കുരിശുമരണത്തിൻറെ ഓർമയിൽ ക്രൈസ്തവർ ഇന്ന് ദുഃഖ വെള്ളി ആചരിക്കുന്നു. വിവിധ ദേവാലയങ്ങളിൽ പ്രത്യേക പ്രാർത്ഥനകൾ നടക്കും. കുരിശു മരണത്തിന്…
പൊന്നാനി | സ്വകാര്യ ഹജ്ജ് ഗ്രൂപ്പ് വഴി ഒരുക്കങ്ങൾ പൂർത്തിയാക്കിയ അരലക്ഷത്തോളം തീർത്ഥാടകരുടെ യാത്ര അനിശ്ചിതത്വം അതീവ ഗൗരവമാണെന്നും അടിയന്തിര…
തുയ്യം ഗ്രാമീണ വായനശാലയിൽ നൂറിലധികം വീടുകളിൽ പുസ്തകം വിതരണം ചെയ്യുന്ന "വായനാ വസന്തം" എന്ന പദ്ധതി എടപ്പാൾ ഗ്രാമപഞ്ചായത്ത് വൈസ്…
വട്ടംകുളം | സി.പി.ഐ (എം) കുറ്റിപ്പാല മുൻ ബ്രാഞ്ച് സെക്രട്ടറിയായിരുന്ന മഞ്ഞക്കാട്ട് രാമചന്ദ്രൻ മാസ്റ്ററുടെ ഒന്നാം ചരമ വാർഷിക ദിനത്തിൽ…
കുറ്റിപ്പുറം ഭാരതപ്പുഴയിൽ ഒഴുക്കിൽപ്പെട്ട് യുവതിയും ബന്ധുവായ 15കാരനും മുങ്ങിമരിച്ചു. തവനൂർ മദിരശ്ശേരി കരിങ്കപ്പാറ ആബിദ (45),ആബിദയുടെ സഹോദരന്റെ മകൻ മുഹമ്മദ്‌ലിയാൻ…