എ.ഐ കാമറ: പുലിവാൽ പിടിച്ച് 1994ന് മുമ്പുള്ള വാഹനങ്ങളുടെ ഉടമകൾ

എ.​ഐ കാ​മ​റ​ക​ൾ നി​ര​ത്തു​ക​ളി​ൽ നി​രീ​ക്ഷ​ണ​മേ​റ്റെ​ടു​ത്ത​തോ​ടെ അ​ക്ഷ​രാ​ർ​ഥ​ത്തി​ൽ പു​ലി​വാ​ൽ പി​ടി​ച്ച​ത് വി​ന്റേ​ജ​ട​ക്കം പ​ഴ​യ വാ​ഹ​ന ഉ​ട​മ​ക​ളാ​ണ്. 1994ന് ​മു​മ്പു​ള്ള വാ​ഹ​ന​ങ്ങ​ൾ പ​ല​രും ഇ​പ്പോ​ഴും കൃ​ത്യ​മാ​യി പ​രി​പാ​ലി​ച്ച് ഉ​പ​യോ​ഗി​ക്കു​ന്നു​ണ്ട്. എ​ന്നാ​ൽ, ഇ​വ​യി​ൽ ഭൂ​രി​ഭാ​ഗ​ത്തി​നും സീ​റ്റ് ബെ​ൽ​റ്റ് സം​വി​ധാ​ന​മി​ല്ല. പ​ല​രു​ടെ​യും ശേ​ഖ​ര​ത്തി​ൽ 50 മു​ത​ൽ 70 വ​രെ വ​ർ​ഷം പ​ഴ​ക്ക​മു​ള്ള വാ​ഹ​ന​ങ്ങ​ളു​ണ്ട്. എ.​ഐ കാ​മ​റ വ​ന്ന​തോ​ടെ ഇ​ത്ത​രം വാ​ഹ​ന​ങ്ങ​ൾ പ്ര​ദ​ർ​ശ​നാ​വ​​ശ്യ​ങ്ങ​ൾ​ക്കു പോ​ലും റോ​ഡി​ലൂ​ടെ ഓ​ടി​ച്ച് കൊ​ണ്ടു​പോ​കാ​നാ​വാ​ത്ത സ്ഥി​തി​യാ​ണെ​ന്ന് ഇ​വ​ർ പ​റ​യു​ന്നു.

കേ​ന്ദ്ര മോ​ട്ടോ​ർ വെ​ഹി​ക്കി​ൾ ച​ട്ടം 1989ൽ ​സീ​റ്റ് ബെ​ൽ​റ്റ് നി​ഷ്ക​ർ​ഷി​ച്ചി​രു​ന്നി​ല്ല. ഗ​താ​ഗ​ത -ഹൈ​വേ മ​ന്ത്രാ​ല​യം 1993 മാ​ർ​ച്ച് 26ന് ​ഇ​റ​ക്കി​യ ഗ​സ​റ്റ് നോ​ട്ടി​ഫി​ക്കേ​ഷ​നി​ലാ​ണ് നാ​ലു​ച​ക്ര യാ​ത്ര​വാ​ഹ​ന​ങ്ങ​ളി​ൽ സീ​റ്റ് ബെ​ൽ​റ്റു​ക​ൾ നി​ർ​ബ​ന്ധ​മാ​ക്കി​യ​ത്. 1994 മാ​ർ​ച്ച് 26 വ​രെ നി​ർ​മി​ച്ച വാ​ഹ​ന​ങ്ങ​ൾ​ക്ക് സീ​റ്റ് ബെ​ൽ​റ്റ് നി​ർ​ബ​ന്ധ​മ​ല്ലെ​ന്നും മ​ന്ത്രാ​ല​യം വ്യ​ക്ത​ത വ​രു​ത്തി​യി​രു​ന്നു. വാ​ഹ​ന നി​ർ​മാ​ണ സ​മ​യ​ത്തു​ത​ന്നെ നി​ശ്ചി​ത മാ​ന​ദ​ണ്ഡ​ങ്ങ​ൾ​ക്ക​നു​സ​രി​ച്ചാ​ണ് സീ​റ്റ് ബെ​ൽ​റ്റു​ക​ളും ക്ര​മീ​ക​രി​ക്കു​ക. അം​ഗീ​കൃ​ത ഏ​ജ​ൻ​സി​ക​ൾ ഇ​വ​യു​ടെ പ്ര​വ​ർ​ത്ത​നം വി​ല​യി​രു​ത്തി അം​ഗീ​കാ​ര​വും ന​ൽ​കും. ഇ​ല്ലാ​ത്ത വാ​ഹ​ന​ങ്ങ​ളി​ൽ സീ​റ്റ്ബെ​ൽ​റ്റ് സ്വ​ന്ത​മാ​യി ക്ര​മീ​ക​രി​ക്കു​ന്ന​ത് സു​ര​ക്ഷ​ക്ക് പ​ക​രം അ​പ​ക​ടം ക്ഷ​ണി​ച്ചു​വ​രു​ത്തു​മെ​ന്നും വി​ദ​ഗ്ധ​ർ ചൂ​ണ്ടി​ക്കാ​ണി​ക്കു​ന്നു.

റോ​ഡി​ലി​റ​ങ്ങി​യാ​ൽ എ.​ഐ കാ​മ​റ​ക​ൾ പ​ക​ർ​ത്തു​ന്ന ദൃ​ശ്യ​ങ്ങ​ളി​ൽ സീ​റ്റ് ബെ​ൽ​റ്റി​ടാ​ത്ത​തി​ന് പി​ഴ ഉ​റ​പ്പാ​ണ്. പി​ഴ അ​ട​ക്കാ​നു​ള്ള നി​ർ​ദേ​ശ​ത്തി​ൽ അ​പ്പീ​ൽ ന​ൽ​കി​യാ​ൽ ത​ങ്ങ​ളെ ഒ​ഴി​വാ​ക്കു​മെ​ന്നി​രി​ക്കെ ദൈ​നം​ദി​ന സ​ഞ്ചാ​ര​ത്തി​ന് ഇ​വ ഉ​പ​യോ​ഗി​ക്കു​ന്ന​തി​നി​ടെ ല​ഭി​ക്കു​ന്ന പി​ഴ ര​സീ​തു​ക​ൾ​ക്കോ​രോ​ന്നി​നും അ​പ്പീ​ലു​ക​ൾ ന​ൽ​​കു​ന്ന​തി​ലെ ഗ​തി​കേ​ടാ​ണ് ഉ​ട​മ​ക​ൾ ചൂ​ണ്ടി​ക്കാ​ണി​ക്കു​ന്ന​ത്. ​

സം​സ്ഥാ​ന​ത്ത് 1994ന് ​മു​മ്പ് ര​ജി​സ്റ്റ​ർ ചെ​യ്ത​തും സീ​റ്റ് ബെ​ൽ​റ്റ് സം​വി​ധാ​ന​മി​ല്ലാ​ത്ത​തു​മാ​യ ആ​യി​ര​ക്ക​ണ​ക്കി​ന് വ​ണ്ടി​ക​ൾ ഉ​പ​യോ​ഗ​ത്തി​ലു​ണ്ടെ​ന്ന് പാ​ല​ക്കാ​ട് ച​ന്ദ്ര​ന​ഗ​ർ സ്വ​ദേ​ശി രാ​ജേ​ഷ് അം​ബാ​ൾ, ക​ഞ്ചി​ക്കോ​ട് സ്വ​ദേ​ശി ന​വീ​ൻ എ​ന്നി​വ​ർ പ​റ​ഞ്ഞു. ഇ​രു​വ​ർ​ക്കും സ്വ​ന്ത​മാ​യി നൂ​റു​ക​ണ​ക്കി​ന് വി​ന്റേ​ജ് കാ​റു​ക​ളു​ടെ ശേ​ഖ​ര​മു​ണ്ട്. എ​ന്നാ​ൽ, നി​ല​വി​ൽ അ​പ്പീ​ൽ ന​ൽ​കു​ക മാ​ത്ര​മാ​ണ് പോം​വ​ഴി​യെ​ന്ന് മോ​ട്ടോ​ർ വാ​ഹ​ന​വ​കു​പ്പ് ഉ​ദ്യോ​ഗ​സ്ഥ​ർ ചൂ​ണ്ടി​ക്കാ​ണി​ക്കു​ന്നു.