ഈ വര്‍ഷത്തെ ഹജ് തീര്‍ഥാടനത്തിന് ഇന്ന് സമാപനം

ഈവർഷത്തെ ഹജ് തീർഥാടനത്തിന് ഇന്നു സമാപനം. എല്ലാ തീർഥാടകരും ഇന്നു വൈകിട്ടോടെ മിനായോട് വിടപറഞ്ഞ് മക്കയിലെത്തി വിടവാങ്ങല്‍ പ്രദക്ഷിണം നിർവഹിക്കും.16.7 ലക്ഷം തീർഥാടകരില്‍ പകുതിയോളം പേർ ഇന്നലെ വൈകിട്ടു തന്നെ മിനായിലെ കല്ലേറു കർമം പൂർത്തിയാക്കി മക്കയില്‍ തിരിച്ചെത്തിയിരുന്നു.

ഇവർ കഅബയില്‍ വിടവാങ്ങല്‍ പ്രദക്ഷിണം നിർവഹിച്ച്‌ മക്കയോടു യാത്ര പറഞ്ഞു.ഇന്നലെ മിനായിലെ കൂടാരങ്ങളില്‍ തുടർന്നവരാണ് ഇന്നു കൂടി ജംറകളില്‍ കല്ലെറിഞ്ഞ ശേഷം മക്കയില്‍ എത്തുക. ഇന്ത്യൻ തീർഥാടകരുടെ മടക്കയാത്ര 12ന് ജിദ്ദയില്‍ നിന്ന് ആരംഭിക്കും.നേരത്തേ മദീന വഴി എത്തിയവരാണ് ഇവിടെ നിന്നു മടങ്ങുക. ജിദ്ദയില്‍ നേരിട്ട് എത്തിയവരുടെ മദീനാ സന്ദർശനവും 12ന് തുടങ്ങും. ഇവരുടെ മടക്കയാത്ര 21 മുതല്‍ മദീനയില്‍ നിന്നായിരിക്കും.