തിരൂരിൽ നിന്നും നിലമ്പൂരിലേക്ക്  മെട്രോ ലൈൻ പണിയണം: ഇങ്ങനെയൊക്കെ ആവശ്യമുന്നയിക്കാമോ എന്ന് മുഖ്യമന്ത്രി

നിയമസഭയിൽ ആശ്ചര്യമുയർത്തി തിരൂർ എംഎൽഎ കുറുക്കോളി മൊയ്തീൻ്റെ ശ്രദ്ധക്ഷണിക്കൽ. തിരൂരിൽ നിന്നും നിലമ്പൂരിലേക്ക് പുതിയ മെട്രോ ലൈൻ പണിയണമെന്നാണ് എംഎൽഎ ആവശ്യപ്പെട്ടത്.

ജനസാന്ദ്രത കൂടുതലുളള മലപ്പുറം ജില്ലയിൽ മെട്രോ മാതൃകയിൽ ഒരു റെയിൽവേ ലൈൻ പണിയുകയാണങ്കിൽ യാത്രാ ദൂരവും ചിലവും സമയവും ലാഭിക്കാൻ കഴിയുമെന്നും കുറുക്കോളി മൊയ്തീൻ നിയമസഭയിൽ പറഞ്ഞു.എന്നാൽ, ഒരു നിയമസഭാ അംഗത്തിന് ഏതു കാര്യവും ഉന്നയിക്കാൻ അവകാശമുണ്ടെന്നും എന്നുവച്ച് ഇങ്ങനെയൊക്കെ ആവശ്യമുന്നയിക്കാമോ എന്നും മുഖ്യമന്ത്രി
മുഖ്യമന്ത്രി പിണറായി വിജയൻ മറുപടി നൽകി.

ഇത്തരം ചോദ്യങ്ങൾ അനുവദിക്കണോ എന്ന് സ്പീക്കർ പരിശോധിക്കണമെന്നും മുഖ്യമന്ത്രി ആവശ്യപ്പെട്ടു.  ഈ സർക്കാറിൻ്റെ കാലത്ത് എന്നല്ല ഒരു ദശാബ്ദ കാലത്തേക്ക് പോലും അങ്ങനെ ഒരു ആലോചന ഇല്ലെന്നും മുഖ്യമന്ത്രി മറുപടിയിൽ കൂട്ടിച്ചേർത്തു.