തിയറ്ററുകളിലെത്തി ഒരുമാസം പിന്നിടും മുമ്പേ ‘എമ്പുരാൻ’ OTTയിൽ ; ഏപ്രിൽ 24 മുതൽ സ്ട്രീമിങ്…

തീയേറ്ററുകളിൽ വൻവിജയമായ മോഹൻലാൽ- പൃഥ്വിരാജ് ചിത്രം ‘എമ്പുരാൻ’ ഒടിടി റിലീസ് പ്രഖ്യാപിച്ചു. ഏപ്രിൽ 24-ന് ചിത്രം ജിയോ ഹോട്സ്റ്റാറിൽ സ്ട്രീമിങ് ആരംഭിക്കും. അണിയറ പ്രവർത്തകർ ഇക്കാര്യം അറിയിച്ച് സാമൂഹികമാധ്യമങ്ങളിൽ ഒടിടി റിലീസ് പോസ്റ്റർ പങ്കുവെച്ചു. മാർച്ച് 27-നായിരുന്നു ചിത്രം ആഗോള റിലീസായി പ്രദർശനത്തിന് എത്തിയത്. തീയേറ്ററിലെത്തി ഒരു മാസം പൂർത്തിയാവും മുമ്പാണ് ഒടിടി റിലീസ്. മോഹൻലാലിനെ നായകനാക്കി തരുൺ മൂർത്തി സംവിധാനംചെയ്ത ‘തുടരും’ തീയേറ്ററിൽ എത്തുന്നതിന് ഒരുദിവസം മുമ്പാണ് ‘എമ്പുരാൻ’ റിലീസ് എന്ന പ്രത്യേകതയുമുണ്ട്.

തീയേറ്ററിൽ പുതിയ റെക്കോർഡുകൾ സൃഷ്ടിച്ച ചിത്രത്തിന്റെ പ്രദർശനം നാലാം ആഴ്ചയിലേക്ക് കടക്കുകയാണ്. 250 കോടിയിലേറെ കളക്ഷൻ നേടിയ ‘എമ്പുരാൻ’ ഇൻഡസ്ട്രി ഹിറ്റായി മാറിയിരുന്നു.