തൃത്താലയിലെ കുടിവെള്ള പ്രശ്നം; ജല വിഭവ വകുപ്പ് മന്ത്രി റോഷി അഗസ്റ്റിന്റെ സാന്നിധ്യത്തിൽ യോഗം ചേർന്നു.

തൃത്താല: തൃത്താലയിലെ അടുത്ത വേനൽക്കാലത്തെ കുടിവെള്ള പ്രശ്നം നേരിടുന്നതിന് ബഹു. ജല വിഭവ വകുപ്പ് മന്ത്രി റോഷി അഗസ്റ്റിന്റെ സാന്നിധ്യത്തിൽ പ്രത്യേകമായി യോഗം ചേർന്നു. മണ്ഡലം എംഎൽഎ എം.ബി രാജേഷ് ജല അതോറിറ്റി എം ഡി ഡോ.ജീവൻ ബാബു ഐ എ എസ്, ജോയിന്റ് എം ഡി ഡോ.ബിനു ഫ്രാൻസിസ് ഐ എ എസ് എന്നിവർ ഉൾപ്പെടെയുള്ള ഉദ്യോഗസ്ഥർ യോഗത്തിൽ പങ്കെടുത്തു. വേനൽക്കാലത്തെ കുടിവെള്ള ദൗർലഭ്യം പരിഹരിക്കുന്നതിന് സ്വീകരിക്കേണ്ട അടിയന്തിര നടപടികൾ യോഗം ചർച്ച ചെയ്തു.