തിരുവോണനാളിന് ഇനി നാളുകൾ അധികമില്ല ; മലയാളികൾ ഉത്രാടപ്പാച്ചിലിനൊരുങ്ങുകയാണ്.
വയനാട്ടിലെ ഉള്ളുപൊട്ടിയ ഉരുള്പൊട്ടലിന്റെ വേദന ഓരോ മനുഷ്യസ്നേഹിയുടെയും മനസിനെ മുറിവേൽപ്പിക്കുന്നുണ്ട്. അതിനാൽ തന്നെ ഓണത്തിന്റെ വർണ്ണപ്പൊലിമയ്ക്ക് ഇത്തവണ അത്ര തെളിമയില്ല . ഓണ വിപണിയിൽ പച്ചക്കറികൾക്കും പലചരക്കുകൾക്കും വിലവർദ്ധനവ് ഉണ്ടെങ്കിലും കുടുംബശ്രീ- -സഹകരണ ചന്തകൾ ഒരുക്കിയത് ഒരുവിധം ആശ്വാസമായി. നാട്ടിൽ തന്നെ ഉൽപാദിപ്പിച്ച പൂക്കൾ വിപണിയിൽ എത്തിച്ച്‌ വിജയം കൈ വരിക്കാനും മലയാളികൾക്കായി. പൂരാട വാണിഭത്തിന്റെ കായക്കുലക്കാഴ്ച ഇന്ന് വൈകിട്ടോടെ അവസാനിക്കും . നാളെ പുലരിയിൽ അവസാനവട്ട ഒരുക്കങ്ങൾക്കായുള്ള ഉത്രാടപ്പാച്ചിലിനാണ് മലയാളി ഒരുങ്ങുന്നത്
