കാറിനുള്ളില്‍ കുടുങ്ങി 6വയസുകാരി, ഗുരുവായൂരില്‍ കുട്ടിയെ കാറിലിരുത്തി ദമ്ബതികളുടെ ക്ഷേത്ര ദര്‍ശനം.

തൃശ്ശൂർ : ഗുരുവായൂരില്‍ ആറുവയസ്സുകാരി കാറില്‍ കുടുങ്ങി. കർണാടക സ്വദേശികളായ ദമ്ബതികളാണ് 6 വയസ്സുള്ള പെണ്‍കുട്ടിയെ കാറില്‍ ലോക് ചെയ്ത് ക്ഷേത്ര ദർശനത്തിന് പോയത്.

ഒരു മണിക്കൂറിന് ശേഷമാണ് ക്ഷേത്ര ദർശനത്തിന് പോയ രക്ഷിതാക്കള്‍ തിരിച്ചെത്തിയത്. ഈ സമയം കരഞ്ഞ് നിലവിളിച്ച പെണ്‍കുട്ടിയെ പൊലീസ് എത്തി രക്ഷപ്പെടുത്തുകയായിരുന്നു. ദമ്ബതികള്‍ തങ്ങള്‍ക്ക് ഒപ്പമുണ്ടായിരുന്ന രണ്ട് മക്കളുമായി ക്ഷേത്രത്തിലേക്ക് ദർശനത്തിന് പോകുകയായിരുന്നു. കുട്ടി കുടുങ്ങിയ വിവരം ഉച്ചഭാഷിണിയില്‍ വിളിച്ചു പറഞ്ഞതിന് പിന്നാലെ ദമ്ബതികള്‍ എത്തി. കുട്ടി ഉറങ്ങിയതിനാലാണ് കാറില്‍ ഇരുത്തിയതെന്നാണ് ദമ്ബതികളുടെ വിശദീകരണം. ദമ്ബതികളെ താക്കീത് ചെയ്ത് പൊലീസ് വിട്ടയച്ചു